سوس على الورد برس

اقترح الكثيرون علي نقل فضائي من سبيس لايف إلى ورد برس لكني كنت أتراجع في آخر لحظة بسبب عدم رغبتي في التخلي عن الموجودات هناك. حتى أخبرتني صديقتي نجلاء في يوم من الأيام أن هناك ميزة تصدير واستقبال في الورد برس تقوم بنقل الداتا من مواقع أخرى، قمت البارحة بالتأكد من ذلك لكني لم أجد خيار النقل من موقع سبيس لايف تحديداً وبعد عمليات بحث وجدت شرحاً و كود لبرنامج يقوم بالنقل.

وأخيراً بعد طول انتظار وعناء .. تم النقل وبحمد الله تعالى إلى الورد برس مع الاحتفاظ بكافة المدونات القديمة ونقلها إلى الفضاء الجديد.

تحية من هنا لكل المتابعين .. وللحقيقة فقد فتحت الورد برس شهيتي على التدوين في هذا المكان الجميل البسيط المميز !

انتظرونا وأرجو تحرير عنواني القديم على صفحاتكم.

شكراً

( لا تدققوا كتير على الشكليات .. الموقع لساتو مفشكل من النقلة ولا تفكروا مجرد التفكير انكن تتصفحوا الموقع بالانترنت اكسبلورر .. خليكن عالفايرفوكس سمعوا مني )

Advertisements

18 تعليق to “سوس على الورد برس”

  1. Ahmad Kouraiem Says:

    لك يحرق حريشك يا سوس
    لساتك على هالسوسة 😀
    على كل حال الف مبروك المدونة الجديدة, بعدين شو هالمدونة هي
    شو هالديزاين هاد الفايت بالحيط؟؟؟
    يا عيب الشوم عليكي مهندسة معلوماتية مختصة برمجيات
    لك كم مادة تطبيقات انترنت صرتي آخدة
    مانك عرفانة تعملي شي
    شو بدو يحكو علينا الاعداء؟؟؟
    بعدين شو هي بس فاير فوكس؟؟؟ المدونة تبعك لازم تدعم جميع انواع المتصفحات
    آل هندسة برمجيات آل 😛
    على فكرة نزل الفايرفوكس 3 مبارح, ستيبل و شغال و عين الله عليه
    بيمزع العقل, ازا لسا ما نطيتي على التلاتة, فوتي هلأ نطي على السريع 😀

  2. uramium Says:

    لا تتخلي عن الـسبيس، فينك تستخدمي احد برامج نشر التدوين مشان تنشري بالاثنين بوقت واحد، إذا كان الورد بريس بيشبه دفتر المذكرات ، فالسبيس بيشبه غرفتك الخاصة، هو أشمل وأجمل، انشري عليه وافتحي على البلوغر كمان طالما عملية النشر بتتطلب كتابة مرة وحدة ونقرة للنشر بكل نوع مدونة مافي مشكلة، بعدين مابتعرفي ، بكرا الشباب بيجي عبالن يسكروا السبيس أو الورد بريس ، والواحد لا زم يكون حاسب حساب كل شي 🙂

    ألف مبروك المكان الجديد

  3. fatosha Says:

    شبكن أنتو التنين طوشتوها للبنت ..
    طولوا بالكن عليها .. حرامو .. خليها تاخد نفس لسى ما لحقت تزبط شي

    بعدين نسيانين أنو وقت امتحانات هلأ ..!!!

    أي سوسة ألف ألف مبروك

    الوورد بريس عالم ممتع للغاية .. وفاتح للشهية ..

    بانتظار جديدك 🙂

  4. Za3bour Says:

    شو مشان مكتوبة غلط

    “كنت أنت التغيير الذي تريد أن تراه في هذا العالم”

    🙂

    مبرووك و متل ما قالوا ما حلوة بحقك خريجة معلوماتية و بس عالفايرفوكس طيب انا بستخدم سافاري شو بعمل بحالي؟

  5. ثامر الطويرقي Says:

    أهلاً وسهلاً

    ومبروك نجاح مشروعك ..

    أعجبني ما كتبتي عن رحلتك الطويلة

    بالتوفيق لك دوماً

  6. نجلاء Says:

    أخيراً…
    الحمد لله على السلامة
    كم لي وأنا أقول روحي وورد بريس..
    تكللت محاولاتي معك بالنجاح..

    أهلا وسهلا…

    أثلجتينا :):)

  7. Gdedouy Says:

    أهلاً بك في عالم الوورد برس الرحب

  8. ayaneeq Says:

    مراحبابك يااختي 🙂

  9. soos Says:

    إذا الاستفتاحية هيك مع أحمد فنيالي والله عالباقي !
    أحمد لك سبقت النسوان بالردح .. إذا بتريد لا تحكي على هندسة البرمجيات وتطبيقات الانترنت ، شو فهمكن انتو الشبكات دوبكن تعرفو توصلو شبكة 😛

    ———
    رامي الله يبارك فيك وأهلا فيك صديقي الرقمي بين صفحاتي ، بصراحة لا أعتقد أني أفكر بالعودة إلى السبيس ولو أني سأبقيه لبعض الوقت حتى آخذ قراراً نهائياً في حقه !

    ———

    فتوشة منيح لحقتيني من الشر .. قال أنا مبسوطة بحالي بهالنقلة ..شكراً لمرورك وأنا متابعة لمدونتك ولو اني مابعلق كتير

    ———
    طارق بيك .. كملت الردحة ..طيب شو أعمل إذا الثيم مابيشتغل غير عالفايرفوكس ! استنوا علي للاقي واحد بيمشي عالكل.

    ———
    نجلاء العينين .. أهلين والله 🙂 وأتمنى متابعتك الدائمة

    ——-
    ثامر ، ayaneeq ,Gdedouy
    شكراً لكم على المرور الجميل

  10. أحمد نذير بكداش Says:

    مبروك عليكي المدونة الجديدة..
    وورد برس افضل بكثير من ((ماي سبيس ))

    تحياتي

  11. إنسان Says:

    صديقة جديدة عالورد بريس …

    أهلا بك سوس في الأنحاء …

    متابع لتدونياتك …

    أنس

  12. roalaj Says:

    اهلين سوس، الف مبروك المدونة الجديدة وجائزة “ع الرف” والله فرحتلك من قلبي، دمت بخير 🙂

  13. soos Says:

    أحمد ، إنسان ، رولا .. شكراً لكم أحبتي

  14. m abras Says:

    it is better my friend

  15. Mohammad-online Says:

    خطوة إيجابية

    أتمنى لك التوفيق

  16. m abras Says:

    بمناسبة النجاح الأخير لك
    و أيضا لانتقالك إلى المدونة الجديدة حبيت أهديك هالألبوم الموسيقي
    وهو معزوفات لألحان أغاني فيروز على الطريقة الغربية
    (وجدته في أحد المنتديات وليس من رفعي)
    أرجو إبداء الرأي فيه
    وشكرا

    http://www.4shared.com/dir/2859597/9b54953c/Fairuz_Romantic_Tunes.html

  17. soos Says:

    m abras
    لدي الألبوم في الحقيقة وهو من أجمل المقطوعات التي يمكن للمرء أن يضيع فيها.
    شكراً لإهدائك اللطيف.

    —————

    محمد
    شكراً لمرورك صديقي
    تحية

  18. محمد صالح Says:

    اتمنى لكِ التوفيق اختي

    تحياتي
    محـمد

    http://www.arsh4.com/vb

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: